Related Posts
Category : Gujarat
શુભ મંડળી ગરબામાં પ્રથમ દિવસે ખેલૈયાઓ ગાયક કલાકાર કૌશિક ભરવાડ સાથે કપડા મેચિંગ ગીત પર ગરબાની રમઝટ માણી
નવલી નવરાત્રીનો ગઇકાલથી પ્રારંભ થયો છે ગુજરાતમા ગરબાનો તહેવાર હોય અને યુવાનો મન મુકીને ગરબે ન રમે તે શક્ય જ નથી એમાય હવે તો મોડી રાત સુઘી ગરબા રમવાની છુટ આપી છે તેનો લાભ યુવા ખેલૈયાઓ લીધો. ગઇકાલે શુભ મંડળી ગરબા ઇવેન્ટ ઓગણજમા ગાયક કલાકાર કૌશિક ભરવાડ અને પારંપારિક રીતે ઢોલ નગારા સાથે ગરબાનો આનંદ લીઘો. ગઇકાલે યુવા ગરબા રસિકોએ ગાયક કલાકાર કૌશિક ભરવાડએ ગાયેલ ગીત કપડા મેચિંગ સાથે દિલડા મેચિંગ કરવાના જેવા તેમના ફેમસ ગીત ગાયને ગરબા રસિકોને ગરબે રમાડયા હતા તો બીજી તરફ યુવા ખેલૈયાઓએ પણ અવનાવા ગરબા સ્ટેપ્સ સાથે ગરબા રમ્યા હતા.
મોડે સુઘી ગરબા રમવા સરકારની તૈયારી
નવરાત્રી દરમ્યાન દરેક મહિલાઓ અને દીકરીઓ સુરક્ષિત રીતે ભયમુક્ત વાતાવરણમાં ગરબા રમીને ઘરે પરત જઈ શકે તે માટે તમામ શહેર-જિલ્લાઓમાં મળીને કુલ ૭૩૭ શી ટીમ તૈનાત કરવામાં આવી છે. આ She Team પરંપરાગત પહેરવેશમાં ફરજ બજાવશે. કોઈપણ સ્થળે છેડતીના બનાવો ના બને અને દીકરીઓ સુરક્ષિત રીતે ગરબા રમી શકે તે માટે આ ટીમો સતત ચાંપતી નજર રાખશે. આ ઉપરાંત અવાવરું જગ્યાએ સતત પેટ્રોલિંગ પણ કરશે અને ઘરે જવા માટે કોઈ બહેન દીકરીઓને રાત્રે વાહન ન મળે તો 100 નંબર અથવા 181 નંબર પર ફોન કરવાથી તેઓને મદદ પણ કરવામાં આવશે.
નવરાત્રી પર્વ દરમ્યાન તમામ શહેર-જિલ્લામાં ૨૦૯ જેટલા કંટ્રોલરૂમ કાર્યરત કરવામાં આવ્યા છે. કંટ્રોલરૂમમાંથી બારીકાઈથી CCTV કેમેરા દ્વારા મોનીટરીંગ કરવામાં આવી રહ્યું છે. જેનું ઉચ્ચ પોલીસ અધિકારી કક્ષાએ સતત સુપરવિઝન કરવામાં આવી રહ્યું છે. નવરાત્રી દરમ્યાન તમામ શહેર-જિલ્લા ખાતે ૫,૧૫૨ CCTV કેમેરા લગાવવામાં આવ્યા છે.
Load more
